السلام عليكم ورحمة الله وبركاته
بدخل فالموضوع على طول من غير لف ودوران
ربيعتي توظفت ف مدرسة خاصه وهي تدخل على الطلاب عشان تعطيهم حصص ارشاديه وتوجيهيه وهي حاليا تعرض لهم عروض بوربوينت وفلاشات وفيديوهات وبما انها في بداية مشوارها العملي حبيت اطلب منكم خدمه انسانيه يا اخصائين اجتماعين
فيا جماعة الخير بغينا فزعتكم يعني نبا افكار يديده عشان الطلاب ياخذون الموضوع بشكل جدي ويستفيدون منه من غير ما يملون
وطبعا نفس ما انتو عارفين الاخصائي الاجتماعي دوره كبير ومؤثر جدا فالمدرسه فلازم كل اخصائي يواكب العصر ويشوف الاحداث اللتي تصير فالبلاد والتطورات بين مدرسه ومدرسه ثانيه عشان كل واحد يستفيد من الثاني وبالاخير الفايده تعم ع الجميع
واتمنى تكون هالصفحه حق الاخصائين الاجتماعين عشان كل واحد ينقل لنا الاحداث اللي تواجه فالمدرسه ويشوف وجهات نظر الاخرين ويستفيد منهن ف الحصول على حل للمسأله
واخيرا كل شكر الكم وتقبلوا تحياتي وتحيات زميلتي
"" الاخصائيات الاجتماعيات ""
موضوع: يا الأخصائيين الاجتماعين طلبناكم لا تردونا 
الجمعة ديسمبر 30, 2011 2:55 am
